Xogamos a Pensar

A semana pasada e onte estivemos xogando a pensar. Foi unha actividade que dividimos en dúas sesións.

Na primeira sesión a profe ensinounos esta lámina (sen explicarnos que era un cadro)

Fíxonos un montón de preguntas:

- que vedes na lámina?

- cantos cadrados e rectángulos hai?

- por que non están pintadas todas as formas xeométricas?

... e moitas outras

Xa sabedes que o resultado íntegro das nosas sesións de xogar a pensar poderedes velo no libro viaxeiro que faremos cando rematemos todas as sesións.

 

 Marcamos os rectángulos e probamos a colocar na lámina novas figuras xeométricas

 

Ao final da actividade a profe explicounos que esa lámina era un cadro pintado por un artista chamado Piet Mondrian, titulado "composición en rojo, amarillo y azul"

Na segunda sesión decidimos facer a nosa propia composición.

A profe repartiunos un folio con varios cadrados e rectángulos. Tiñamos que colorear e picar varios e pegalos nun papel contínuo para facer a composición

 Chegou un momento no que na nosa composición xa non cabían máis figuras xeométricas e decidimos deixar de pegalas.

O seguinte que fixemos foi xuntarnos en asamblea e contemplar o resultado final

A profe preguntou que elemento faltaba para que a nosa composición se parecese máis se cabe á de Piet Mondrian. Custou un pouco averigualo pero ao final Alessandro dixo que faltaban as raias negras. Tod@s estivemos de acordo.

Entón a profe volveu a facer outra pregunta: como podemos facer as liñas rectas? e Pablo Piñeiro moi convencido dixo: "las tenemos que hacer con tranquilidad".

Despois dun breve coloquio caemos na conta de que se utilizabamos unha regra poderiamos facer as raias dereitiñas.

En parellas fixemos o traballo

Este foi o resultado final

O último que fixemos foi poñerlle un título. Despois de varias opcións a gañadora por maioría foi:

COMPOSICIÓN COLORINES