Pasaporte Lector

Este venres foi un día moi especial pois iniciamos a viaxe dos contos da biblioteca de aula poñendo en marcha así o noso "PASAPORTE LECTOR". Temos un montón de contos onde escoller e levounos un tempo decidirnos. Tiñamos tantas ganas de empezar esta viaxe que esta semana non nos daba chegado o venres 👍

Este ano a novidade principal é que como de momento non nos chegaron as mochilas que solicitamos á Consellería, o pasaporte e o conto van a ir nunha carpeta. Este fin de semana poderedes comprobar se a carpeta nos resulta cómoda. Pedimos que fose de cartón duro (ríxido) porque aguanta moito mellor o peso dos contos e é máis sinxela de transportar debaixo do brazo. Se vedes que algunha carpeta se queda escasa (temos contos que son algo grandes e as carpetas pequenas e blandas son difíciles de pechar), podedes mandar outra máis cómoda.

Lembrade que esta actividade non debe presentarse aos nenos e nenas como unha obriga ou deberes. Trátase simplemente de pasar un rato divertido coa lectura. A tarefa do pasaporte necesita ser supervisada por unha persoa adulta.

Así de contentos e contentas marchamos o venres para casa

 

 

 

 

 

E falando de libros viaxeiros, xa temos un conto relacionado co proxecto visitando as casas. O primeiro en levalo foi PEDRO e contounos que lle gustara moito. SASHA levouno o vernes e, de seguro, que tamén o difrutará.

 

 Un libro máxico. Empeza pola lupa verde da escafandra e parecerache que nada se move; despois, mira a través das lentes de mergullo azuis e empezará a aparecer a vida e, finalmente, se miras pola xanela vermella do submarino, descubrirás todo un mundo secreto!