Día de Europa

Onte, 9 de maio conmemorouse o Día de Europa

O equipo de actividades complementarias e extraescolares organizou unha feira onde a intención era preparar diferentes stands con información sobre países europeos.

Na Sementeira levamos traballando varias semanas para telo todo listo e onte foi o gran día. O país elexido: Grecia.

Este é o noso stand

O noso traballo ía acompañado dunha presentación en dvd onde se explicaban algunhas cousas características deste país. Pronto o mandaremos para que o poidades ver na casa.
As seguintes fotografías amosan a feira ao completo; os países representados eran Islandia, Alemania, Francia, Irlanda, Italia, Portugal, Países Baixos e Grecia.

O stand dos nenos e nenas da clase de catro anos

O stand das clases de tres anos

A feira montouse na biblioteca e onte moito alumnado se achegou a visitala.

E que sería dunha viaxe sen un auténtico pasaporte?

Nós temos o noso repleto de selos dos países que visitamos

 Aquí estamos todos dispostos a escoitar as presentacións preparadas polos nosos compañeiros e compañeiras.

Unha vez rematada a viaxe tocaba posar para a foto co pasaporte que documenta todos os países visitados.

O stand de Islandia deunos iogur típico para probar e a clase de tres anos ofreceunos pasteis de belem.

Aquí están Noa e Xiana coa bandexa de pasteis típicos de Lisboa

Como o mércores non tivemos tempo para máis, deixamos para hoxe a degustación destas delicias. Ao principio varios sementeiros e sementeiras mostráronse algo reticentes a probar, sobre todo o iogur, porque tiña marmelada. Pero cando o probaron estaba tan rico que ata repetiron; eso sí, houbo quen non se animou de todos xeitos.

Como podedes ver, foi un día repleto de actividades; disfrutamos moito e aprendimos tamén moito. Pronto colgaremos unha entrada onde vos explicamos todo o que fixemos para o noso stand.