Material para o Recuncho

 Todo proxecto que se precie debe empezar por facernos tres preguntas: 

1.- Que sabemos do tema que queremos investigar?

2.- Que nos gustaría aprender?

3.- Onde podemos buscar información?

Nós xa temos as respostas a todas estas preguntas.

 Agora xa podemos empezar a nosa investigación!

E para iso xa estamos recibindo algún material para o noso recuncho do proxecto.

Alba visitou o Castro de Baroña e a Torre de Hércules e trouxo documentos fotográficos que así o acreditan. Tamén trouxo un libro sobre historias mitolóxicas ao que, de seguro, lle sacaremos moito partido ao longo do curso.

Lorena trouxo a lenda do mago Merlín, do que pronto vos contaremos cousas!

Paula aportou un libro de mitoloxía con moita información sobre os seres fantásticos que queremos estudar.

Cristina visitou o Castro de Santa Trega, e contounos un montón de cousas que aprendeu no museo e explicou con todo detalle as fotos que sacou ese día. Tamén trouxo unha réplica dun castro celta, que gardamos con moito mimo na estantería do recuncho.

E como o noso proxecto chámase Trisquel, fixemos un tamaño XL que pronto decorará as zonas comúns de infantil😊. Traballamos con moitísima precisión no manexo do pincel e o resultado foi xenial! un fantástico traballo en equipo!!