Un novo Día

 Seguimos co proceso de adaptación na Sementeira. Pouco a pouco interiorizamos rutinas (aseo, merenda, recunchos,...) e disfrutamos moito durante o tempo que estamos na aula.

Empezamos coa canción dos bos días, seguimos co conto, hoxe fixemos un pequeno xogo de saúdos e presentacións ao grupo, xogamos no recuncho que nos toca, lavamos a mans, merendamos e saímos ao recreo. Un non parar de actividades!

PRIMEIRA QUENDA

BRIGADAS VERDE E VERMELLA

Antes de merendar lavamos sempre as mans e mentres esperamos a nosa quenda hoxe vimos un curto animado dos tres porquiños

SEGUNDA QUENDA

BRIGADAS AMARELA E AZUL

Algúns de nós tivemos tempo de xogar coas letras e compoñer o noso nome. Foi unha actividade voluntaria pensada para que os nenos e nenas se acheguen ao mundo das letras dun xeito lúdico e moi práctico pois pouco a pouco iremos traballando e recoñecendo as letras do abecedario e o máis importante, cales son as que forman o noso nome!

 

Ata mañá!