Torres

 Raro é o día en que xogamos coas construcións e non facemos unha torre

O pasado venres fixemos un xogo grupal onde tiñamos que tirar o dado, contar e colocar os bloques correspondentes para construir entre tod@s a nosa torre. Traballamos o conteo, a asociación número-cantidade, a respectar o turno e o traballo dos compañeiros e compañeiras,... e pasamos un rato moi divertido.

Chegou un momento en que a torre era tan alta coma nós

Para seguir colocando pezas buscamos o xeito de chegar arriba de todo polo que Sabela tivo que subirse a unha silla

O problema foi que a nosa torre non resistiu máis e acabou no chan polo que demos a actividade por rematada (e tamén porque era hora de marchar a comer)😉

Hoxe na aula estivemos investigando e atopamos unhas torres que están moi cerquiña de Padrón; Falamos das Torres do Oeste de Catoira. Preguntade na casa e xa me diredes o que vos contan porque os vikingos causaron unha grande impresión nos Sementeiros e Sementeiras 😀

En Santiago están as Torres de Hejduk

Tamén viaxamos un pouco máis lonxe; ata París nada menos e fixemos unha visita virutal pola Torre Eiffel.

Seguro que seguiremos investigando e aprendendo sobre este tema. Estade atent@s ao blogue !

Alguén recoñece esta mascarilla?

leva perdida uns días na aula