Unha Visita, un Cumple e Máis Cousas

 Este luns recibimos a visita de Vanessa, do CIM Terras de Iria. Contounos un conto que xa coñecemos na aula, "Cando as nenas voan alto" e traballamos aspectos relacionados coa igualdade para conmemorar o Día da Muller; rematamos a actividade cun concurso de preguntas e respostas, e levamos de premio un marcapáxinas do Señor "Sequerespodes", o protagonista do conto

O mércores festexamos por todo o alto o aniversario do noso compañeiro THIAGO, que xa ten seis anos

Fixo a súa coroa, soprou a candea na tarta e convidounos a unhas deliciosas galletas e chocolatinas

Seguimos aprendendo e exercitando destrezas mentras xogamos. Esta semana tiveron moito éxito os crebacabezas

 Sempre aproveitamos a hora do panel para reforzar os conceptos matemáticos que traballamos ao longo da semana

O xoves Adrián conseguiu o seu premio do Froitómetro

A sesión de ioga resultou especialmente divertida e motivadora porque fixemos as asanas en parella

 

 

Hoxe venres rematamos a nosa actividade para conmemorar o 8M; ilsutramos e escribimos o poema "Gata e Gato", un traballo que fixemos viaxeiro para que poidades disfrutalo connosco nas casas. Acompañámolo dunha pequena homenaxe ás nosas mulleres máis cercanas, as mamás, e a todos os traballos que fan

 

 

 

 

Chloe hoxe foi a encargada e tivo a sorte de ser a primeira en levar o noso libro para casa

Hoxe durante o momento da plastilina e de xeito espontáneo, decidiron facer unha paisaxe entre tod@s; poderedes atopar as árbores do Paseo do Espolón, semáforos, o río Sar e a Ponte do Carme,.... un Padrón en miniatura