Cumple, degustación, concerto,... non paramos!!

 Menudo ritmo acelerado que levamos na Sementeira durante esta última semana. Empezamos polo importante, que foi a celebración do aniversario da nosa compañeira MÍA

Soprou a candea, comemos biscoito e levou para casa o seu agasallo

Paulo foi o encargado e coloreu no calendario o día que tiñamos marcado de recordatorio

Ese mesmo día recibimos a visita de dous cociñeiros que nos invitaron a unha tapa de mexilón con humus de fabas de Lourenzá, toda unha exquisitez culinaria aínda que teño que dicir, que non foron moitos os peques que se animaron; os que a probaron dixeron que estaba moi rica! De agasallo levamos tod@s para casa unha pulseira. Foi unha actividade ofertada pola Xunta de Galicia pensada para animar á cidadanía  a consumir produtos do mar, impulsar a súa venda e poñer en valor o labor dos profesionais da pesca e do marisqueo.

Seguimos investigando co noso proxecto Plumas; hoxe aprendemos a distinguir os animais ovíparos dos vivíparos e vimos un vídeo onde se nos explicaba como nacían os flamencos pois ao facer a ficha impresa démonos conta de que non sabiamos gran cousa destes fermosos animais

O pasado vernes falamos das anduriñas e fixemos unha pequena actividade de lectoescritura grupal, copiando uns versos do famoso poema de Gustavo Adolfo Bécquer

Fixemos grafismos creativos nuns bufos que colgamos no corredor e traballamos de paso trazos básicos da pre-escritura 

Empregamos depresores que tiñan diferentes modelos de trazos e foi a sorte a que decidiu cales tiñamos que practicar

O luns asistimos a un concerto a cargo da Fundación IgualARTE, un espazo no que as persoas con diversidade funcional atopan na música un medio de expresión artística. O grupo De Fusión, que nos visitou, buscaba facer unha chiscadela ás nosas raíces e ao que somos sen perder de vista novas sonoridades. E vaia se o conseguiu!! pasámolo xenial con Marcos e os seus músicos

 Déixovos uns pequenos vídeos que recollen algúns dos momentos máis divertidos do concerto

Cando nos sobra algo de tempo entre unha actividade e outra, compartimos xogos de construcións nos equipos

Seguindo con manualidades relacionadas co proxecto, foi o turno das galiñas. Primeiro practicamos a idea do debuxo na PDI e despois levámola ao papel. Foi unha tarefa que aínda que nun principio parecía sinxela, deunos bastante traballo, pero o resultado final ben mereceu o esforzo