As fabas máxicas

 Ao longo do curso e, dentro do noso proxecto Blablalandia, cada trimestre adicámolo a un conto tradicional. No primeiro trimestre foi "Carapuchiña vermella", no segundo "A casiña de chocolate", e no terceiro trimestre a historia escollida foi "Xoán e as fabas máxicas".

Decoramos o corredor en colaboración coa aula de tres anos. O primeiro que fixemos foi retorcer papel para facer a planta, unha actividade motriz que esixe facer moita forza coas mans

 

 

 

Despois convertémonos nos protagonistas da decoración pois sacamos unhas fotos coas que aparecemos gabeando polas fabas

  Levamos o recado a casa de que necesitabamos versións do conto e, despois de revisar nas súas bibliotecas caseiras, os Sementeiros e Sementeiras conseguiron reunir tres versións e nunha visita á biblioteca do cole atopamos outra máis; todas elas moi diferentes entre sí (menuda sorte porque nos permitiron levar a cabo moitos faladoiros analizando as versións). A profe Teté tamén nos prestou un conto no que saía un personaxe novo ata o momento. Antes de ler a historia, fixemos as nosas cábalas sobre quen podería ser...

 

Unha vez descuberto, xa forma parte do noso mural

 Faltaba añadir algúns detalles polo que nos puxemos mans á obra 

 

Fixemos a nosa propia plantación de fabas e todos os días comprobamos a súa evolución. Xa agromaron do algodón e agora toca esperar a que medren

  

 

Hoxe xa presentaban este aspecto

 Tamén medran as do mural pero os Sementeiros e Sementeiras todavía non se deron conta ;)

 As propostas de xogo estas semanas estarán relacionadas co conto

 

As actividades impresas tamén xirarán arredor do conto tradicional inglés

 

Debuxamos a nosa propia planta máxica

 

 

 E tamén debuxamos ao ogro, falando antes de todas as características que debía reunir o debuxo e fixándonos en engadirlle todos os detalles posibles

Seguen chegando recreacións de portadas de contos. Moitas grazas pola vosa participación!

 

 

 A mamá de Paulo Miramontes visitounos cargadiña de contos que disfrutamos a tope!

  

 E a mamá de Alessia tamén veu pola Sementeira de visita

 

Sempre que temos tempo aproveitamos para disfrutar do patio grande

 

E continuamos coas sesións de ioga dos mércores, esforzándonos na práctica das asanas