Un raio de SOL

Por fin! despois de tantos días de choiva saiu.... LORENZO!!!

E para festexalo o luns decidimos plantar uns "pulpos"... digo BULBOS; E que esta nova palabra confundiunos un pouco ao principio, pero agora xa sabemos distinguir un "pulpo" de un "bulbo"

Feita esta aclaración, empezamos coas fotos que fixemos ese día.

Primeiro, tivemos unha asamblea (moi especial porque a fixemos no patio), na que falamos da primavera, das plantas, do que necesitamos para plantar flores, do que era un bulbo, miramos onde teñen as raíces e para que serven, os coidados que precisa unha maceta,....

Antes de ir a comer, fixemos equipos de 3 compañeir@s para poder plantar pola tarde. Preparamos as macetas e aproveitamos para xogar a recoñecer os nomes d@s nos@s compañeir@s.

Despois de comer estivemos no patio plantando os bulbos. Primeiro tivemos que buscar todo o necesario: macetas, terra, bulbos e pas.

E despois, en grupos de tres, fixemos a nosa plantación.

 

O último que nos quedaba por facer era regar as nosas macetas, e como no patio non temos grifo, tivemos que facelo na clase. Eso sí, utilizamos unha estupenda regadeira.

Esperamos que o noso traballo en equipos dea pronto os seus froitos. Agardamos impacientes. Nós prometemos regar os bulbos e mimalos para que medren prontiño.