Teatro en Padrón

Para festexar as Letras Galegas todos os nenos e nenas de cole baixamos a Padrón para disfrutar dunha estupenda sesión teatral a cargo do grupo "Migallas" titulada "O libro máxico"

Rosiña é unha nena que ten que quedar soa na casa mentres os pais van a unha reunión. Como ten algúns problemas para rematar os deberes decide investigar nun baúl onde o pai gardou moitas cousas para que non se manchasen coa pintura, pois está pintando a casa. Alí atopa un libro vello e ponse a ler nel. Tras as primeiras liñas empezan a pasar cousas estrañas e Rosiña e os seus amigos, o público, mergúllanse na aventura de piratas que está escrita no libro.

Nin que dicir ten que o pasamos de rechupete.