Agasallos de Reis

Os Reis Magos deixaron unha morea de agasallos na sementeira. Debe ser que nos portamos bastante ben no cole e quixeron recompensarnos.

E como saben que estamos emocionad@s co noso proxecto de arte arredor do mundo, trouxéronnos unha chea de crebacabezas de monumentos bastante famosos (algúns xa os coñecemos e outros os empezamos a investigar). Tamén nos deixaron un xogo para poñer en práctica nosa destreza manual, que é a nova sensación na Sementeira e un xogo de discriminación visual de sombras.

 Estreamos o xogo das cadeiras e pasamos un intre divertidísimo tratando de colocalas unha encima doutra para conseguir formar unha torre sen que caese ningunha.

E sabedes que? en casa de Amaya os Reis deixaron un mémori moi especial sobre monumentos do mundo para todos os nenos e nenas da Sementeira. Vaia sorte !!

O noso primeiro traballo impreso do ano estivo dedicado ás súas maxestades de Oriente. Lembramos o trazo da letra "R" escribíndoo no encerado, copiamos o nome de cada rei e os coloreamos con acuarelas.

Así quedou o noso traballo do martes

E despois de traballar,... a xogar !! 

Cada un, libremente eliximos o xogo; ás veces xogamos sós, outras veces en parella ou en pequeno grupo; temos multitude de opcións na aula para pasar un bo intre pero hai que dicir que os xogos de memoria son os máis solicitados.