Pasaporte, Recuncho e Ioga

O venres pasado empezou a viaxe do noso Pasaporte Lector. Igual que o ano pasado, cada venres levaremos para casa un conto da biblioteca de ala. Este ano a folla do pasaporte é máis complicada que a do curso anterior. A primeira das follas fixémola  na biblioteca do cole despois de ler o conto de Cocorico para irnos familiarizando co que temos que escribir, debuxar, contar,...

 Seguen chegando materiais interesantes para o noso recuncho do proxecto.

Izan foi de paseo polo bosque e sacou moitas fotos.

Trouxo tamén un libro con solapas que ten moitos datos curiosos sobre as árbores.

Carlota e Paula asistiron a unha sesión de contacontos na que ata plantaron unha landra dentro dunha bota, e trouxeron a proba.

Bahiana trouxo un libro cun conto moi especial sobre unha árbore de Nadal.

 E tamén un herbario con moitas das follas que recolleu na súa visita ao Xardín Botánico de Padrón.

 Cristina falounos dunha árbore que medra nos polos e que en vez de suxeitarse coas raíces á terra faino ao xeo.

E trouxo fotografías de árbores peculiares.

Olivia trouxo unha folla de figueira.

A nai dunha ex-Sementeira agasallounos cunha árbore espectacular coa que, de seguro, ímos a xogar un montón pois trae tarxetas para colocar nomeando as partes desta fermosa maceira. Moitas grazas Zaira 😘

 Estamos inmers@s na decoración do corredor; estos días estamos pintando follas de carballo con acuarelas e lápices de cores. Separamos os lápices por tonalidades e foi toda unha motivación extra para pintar (sumada á de ter que afiar cando quedaban sen punta) 😉  Xa vos ensinaremos o resultado final pero adiantámosvos que está a quedar moi ben.

E hoxe na sesión de ioga xogamos ao "Señor Lobo"