Pancarta de Rosalía

A semana pasada estivemos coloreando con témpera e pincel as letras que compoñen o nome de Rosalía de Castro.

 Este luns a profe díxonos que con elas iamos  facer unha pancarta, é dicir, "un cartel muy, muy grande" en palabras de Pablo Piñeiro, que lle explicou aos compis o significado da palabra.

Aquí están algunhas das fotos da semana pasada dándolle cor ás letras

Tocaba pois facer unha pancarta.

O primeiro que fixemos en parellas foi pegar gomets de diferentes cores nas letras 

Despois colocamos as letras en fila 

Estiramos a cartolina que fai de pancarta e como era tan grande decidimos medila. Primeiro medimos cos corpos dos compañeiros-as

Pero non atopamos unha medida exacta pois sobraban "pernas". O resultado da medición era 3 nenos e un pouco de outro. Pablo Piñeiro dixo que el as encollía e asunto arranxado;

Colocouse unha compañeira menos alta que Pablo, pero tiñamos o mesmo problema

Decidimos entón probar  se a lonxitude da pancarta era igual á do noso tren e puxémonos todos en fila ben apretadiños. Cabiamos tod@s!

Por último empregamos un sistema de medición moito máis convencional: o metro que nos prestou a profe Teté; e apuntamos a medición para facer unha suma total

A nosa pancarta mide 3 metros e 64 centímetros (bueno, máis ou menos)
Xa para rematar pegamos as letras do nome de Rosalía en orde e sacamos unha foto co resultado final

Pasamos unha tarde moi divertida facendo a nosa pancarta para a festa do venres. Esperamos que o tempo nos acompañe e a poidamos colgar fóra.