Decenas e Unidades

Hoxe dedicamos o día completo a coñecer o significado da decena.  

Primeiro explicamos na aula  que un conxunto de dez elementos recibe o nome de decena. Despois estivemos na aula se psico facendo conxuntos de 10 compañeiros-as.

 Ao principio tivemos algún problemilla para organizarnos, pero despois dun rato conseguimos formar dúas decenas

 Nesta foto podedes ver con claridade as dúas decenas formadas. E tamén podedes ver a cara que lles quedou a Candela, Daniela e Carla, que non conseguiron formar parte de ningún conxunto. Pero en canto expliquei que elas eran as unidades puxéronse todas contentas.

 A seguinte actividade consistía en formar unha decena utilizando pezas de construción. Dividíronse por equipos pero non foron capaces de facer o que a profe pedía porque en lugar de compartir as pezas con todos os membros do equipo, cadaquén quería facelo sen axuda de ningún compañeiro-a e resultaba imposible.

Como non conseguimos poñernos de acordo, volvemos para a aula e fixemos a tarefa de xeito individual. Tivemos que escribir na mesa un conxunto con dez unidades (guauuu....a profe deixounos escribir na nosa mesa!!!)

Pola tarde fixemos a mesma actividade individual pero con tapóns. 

 Cando rematamos, contamos os tapóns sobrantes, as unidades

Como actividade final, fixemos todas as decenas posibles agrupando estrelas no encerado

 e tamén contamos as unidades

 para rematar apuntamos o resultado

Despois de tanto traballo chegou a hora de divertirse coa plastilina.

Irene tivo a idea de facer unha decena de bolas; sacamos unha foto e moi pronto máis compis se animaron e fixeron unha decena de churros, velas, bolas, marcas na plasti,..