Medindo unha estatua

Estamos rematando a nosa pequena secuencia didáctica sobre Joan Miró e o venres fixemos un dos traballos finais.

Miró ademais de pintor, gravador e ceramista tamén foi un excelente escultor. Onte coñecemos a última obra que realizou: "MUJER Y PÁJARO"

 

 Está situada no parque Joan Miró nun lago artificial, e foi doada á cidade polo artista. Mide 22 metros. Este último dato foi o punto de partida da nosa actividade. Decidimos averiguar canto son 22 metros.

Pedimos prestado un metro á clase Pementeira (un camaleón moi simpático que fixo as delicias d@s Sementeir@s) e marchamos para psico pois alí tiñamos máis espazo.

O primeiro que fixemos foi estender o metro ata marcar un metro para facernos unha idea do que mide. Decatámonos de que tod@s medimos máis dun metro e puxémonos moi content@s.

O seguinte foi estender metro a metro ata chegar ao metro 22. 

 Marcamos no chan o número de metros; pero acabóusenos o metro cando levabamos marcados tres. Candela, Pablo Miguéns e Breixo marcan os metros.

Entón paramos a actividade e a profe preguntounos se nos chegaría o espazo de psicomotricidade para seguir contando ata vinte e dous.
Estivemos tod@s de acordo en que había que buscar outro sitio e moit@s propuxeron saír fóra; pero estaba chovendo e non era caso de mollarse; polo que algún compañeiro propuxo utilizar o corredor de infantil para poder continuar a nosa medición sen que as inclemencias meteorolóxicas nos molestaran demasiado.
Como faltaba pouquiño para ir comer, decidimos continuar pola tarde; pero antes de que soase o timbre comprobamos cantos compañeiros-as caben en tres metros.

Conseguimos encontrar unha combinación de compis que, xuntos miden tres metros (centímetro arriba, centímetro abaixo,..)

Pola tarde empezamos a nosa medición na porta de infantil
En cada metro colocábamos a un compañeiro-a; así ata chegar a vinte e dous

Tivemos que abrir as portas que separan o noso corredor co de primaria porque non nos chegaba o espazo!!

 Por fin! chegamos aos vinte e dous metros!!
A estatua de Joan Miró é xigante!!
Despois contamos os pasos que hai en tantos metros

En total: corenta e un pasos sementeiros
ACTIVIDADE REMATADA