Regalos de Reis

Hoxe tivemos un día moi emocionante no cole porque despois de varias semanas sen vernos por fin estivemos tod@s xunt@s de novo con moitas, moitas cousas que contarnos: que si que tal as vacacións, que si que che trouxeron os Reis Magos e Papá Noel, que si canto turrón de chocolate nos zampamos, que si brindamos con "champín", que si che vin na rúa e non me saudaches,.... bufffff non nos chegou o tempo para nada.

Pero o mellor do día foi a tarde que pasamos porque.... adiviñades?

Os Reis Magos tamén fixeron unha paradiña no cole. Yupiiii!

Non o podiamos crer; e deixaran unha carta no noso buzón!

 Na carta os Reis Magos contábannos moitas cousas: o contentos que estaban polo ben que nos portamos, os regalos que deixaran nas nosas casas,... 

Tamén nos dixeron que son moi amigos de Papá Noel, o cal lles encargou que nos dixesen que recibira a nosa carta pedíndolle un globo terráqueo.

Esta era a carta dos Reis. Firmada e todo!

Pero o máis importante era que tamén había regalos no cole. Soamente os tiñamos que atopar porque estaban agochados así que seguimos as pistas que nos levaron ata cada sorpresa.

O primeiro regalo que decidimos buscar foi o do Rei Baltasar.

A pista era a seguinte: danvos de comer alí todos os días.

Non o dudamos: O comedor!!!

 

O regalo de Baltasar era UNHA BOLSA DE CHUCHES

  

Despois dunha parada técnica para dar boa conta do noso primeiro regalo, decidimos buscar o de Papá Noel. 

 

A pista era esta: está metido nunha casiña de xoguetes que tendes no cole.

O primeiro que pensamos era que estaba no recuncho da casiña de clase e fomos mirar pero alí non había nada...

 Entón algún compañeiro se acordou da casiña do patio e marchamos tod@s emocionados a mirar...

 Papá Noel non nos fallou; Acordouse do noso GLOBO TERRÁQUEO e tamén nos trouxo dous contos moi significativos:

 "los lugares que me gustaría conocer" 

e

 "las épocas que me gustaría haber vivido"

Agora tocáballe o turno ao regalo que nos tiña escondido o Rey Gaspar

A pista era esta: no sitio onde está escondido xogades, bailades e vedes os títeres... 

Estaba clarísimo: a aula de Psicomotricidade!!!

Vaia sorpresa: 

ANIMAIS DA SABANA!

Soamente faltaba o regalo do Rei Melchor

A pista era esta: o lugar onde os nenos maiores van a ler contos.

aquí tivemos algún problema para saber a onde tiñamos que ir, así que a profe axudounos un pouco e levounos ata a biblioteca do cole.

CONTOS, CREBACABEZAS E ANIMAIS!

Aquí están todos os nosos regalos

Como despedida os Reis Magos pedíronnos que nos portásemos moi ben e que compartíramos os xoguetes para que eles puideran voltar o ano que ben á nosa clase.

 

Antes de marchar para casa non nos resistimos e abrimos a caixa co globo terráqueo e... sabedes que? ilumínase!!

 Tivemos unha tarde ... Máxica!