Segue chegando material para o noso recuncho.
O libro de Cris fala da importancia de non contaminar o aire que respiramos. Vimos en internet os problemas de polución que sofren as grandes cidades, e que existen lugares nos que incluso as persoas deben respirar a través de mascarillas.
Aroa atopou musgo no tronco dunha árbore.
Lois visitou o Xardín Botánico e trouxo unha extensa e orixinal reportaxe fotográfica.
Cris contounos que ten un castiñeiro na casa, e trouxo a proba.
Paula trouxo contos e libros con información.
Nun dos libros que temos na aula aparece unha árbore moi curiosa e Aroa díxonos que o seu avó a ten na casa. Pedinlle que trouxera unha ramiña e non esqueceu o recado. Sabedes como se chama? preguntade aos Sementeiros e Sementeiras, que teñen a resposta.
Lorena trouxo unha bolsa con diversas follas.
Alba atopou landras no patio durante a hora do recreo e un conto que ten de protagonistas aos animais do bosque.
Cando visitamos a biblioteca do cole sempre atopamos algún libro interesante que ler. Esta historia transcorría nun bosque.
Temos decoración nova na porta.
Traballando en equipo conseguimos facer murais tan bonitos coma o que agora está na nosa porta. Está pintando con ceras brandas e témpera.
Traballamos no recoñecemento de diferentes árbores, as súas follas e os seus froitos. Xogamos con material impreso que nos axuda a interiorizar todos estos conceptos e o novo vocabulario.
En asamblea a profe platexounos esta cuestión:
Pensades que as follas teñen medo coa chegada do outono porque empezan a caer? como se senten cando caen?
Estas foron as respostas:
Despois falamos das árbores, de como se senten elas; e chegamos a unha conclusión que está recollida na cartolina.
Despois lemos este texto, reflexionamos sobre él, e aprendemos da importancia das follas na vida das árbores.
