Un venres moi axetreado

O noso compañeiro Lucas naceu un 30 de xaneiro; data marcada tamén pola celebración do Día da Paz. Antes de celebrar o seu aniversario como se merecía estivemos traballando un pouco; fixemos árbores da paz para recordar a Wangari e colocámolos no corcho da nosa aula

Despois Lucas decorou a súa coroa e quixo compartir con tod@s unhas deliciosas galletas e chuches (ata houbo bombóns para @s profes)

Coñecemos ao MECO; un personaxe moi singular que nos acompañará estes días e co que seguramente nos divertiremos pois cada día tenderemos que vir vestidos dunha forma moi peculiar. A manda do luns era traer algo na cabeza.

Recibimos a visita dos alumnos e alumnas de 6º de primaria, que nos cantaron a canción "Imagine", de John Lennon e así conmemorar o Día da Paz

Antes de marchar estivemos xogando unha partida ao "mémori"

Aproveitamos moi ben o tempo, non vos parece?

Entroido Espacial

Este venres vivimos unha festa de entroido moi, pero que moi especial.... ou mellor dito,... ESPACIAL!!!

Os nenos e nenas de Educación Infantil chegaron dispostos a poñer en marcha unha misión espacial polo Universo do Rosalía chea de diversión e risas. Viñemos vestidos como auténtic@s astronautas, alieníxenas, estrelas, lúas, o planeta Terra,... e ata estaba Laika!!
Na Estación Espacial Rosaliana con base na aula de psicomotricidade, fixemos unha reportaxe fotográfica onde presumimos de disfraces

 Aquí estamos na porta que da entrada á Estación Espacial Rosaliana (E.E.R.)

 O festival foi moi divertido; pasámolo moi ben vendo os disfraces do resto de compañeir@s do cole e desfilando para tod@s @s asistentes

 E despois de tanta festa, tocaba repoñer forzas e nada mellor que unha estupenda merendola carnavaleira. Moitas grazas a todas as familias que a fixeron posible!

Pasámolo estupendamente!! foi un gran día!!