Todos os días despois de merendar solemos facer algún xogo grupal. Onte estivemos preparando os pedidos de patacas fritas de "McSementeira". Tiramos o dado, contamos e colocamos na caixa as patacas fritas necesarias.
Hoxe fixemos un pequeno achegamento ao mundo dos números. Soamente necesitamos un dado (que empregamos desinfectando as mans cada vez que o usabamos), un encerado con números móbiles e moitas ganas de pasalo ben.
O xogo consistiu en tirar o dado, contar os puntos e coller do encerado o número correspondente. Foi unha actividade voluntaria; a algúns compañeiros costoulles animarse a participar e tamén houbo quen non quixo xogar.
