Xa tod@s sabemos que se están achegando unhas das vacacións máis agardadas por tod@s: a Pascua. Na sementeira hai días que soamente se fala dun tema: as atraccións que están montando no Espolón. Estamos tod@s moi emocionad@s e expectantes coa revolución que se está montando en Padrón. Os nosos compañeiros XOEL, ALESSANDRO e PABLO MIGUÉNS quixeron compartir connosco uns agallasallos moi especiais para facer esta espera pascueira un pouco máis levadeira.
Pablo Miguéns trouxo un coelliño cheo de larpeiradas para compartir con todos os compañeiros e compañeiras de Educación Infantil antes de marchar de festa.
Alessandro trouxo ovos cocidos para tod@s igual que estes anos anteriores, polo que tivemos unha merenda do máis consistente.
Xoel quixo ter un detalle con cada compañeir@ sementeir@ e regalolles uns lapis de cores e oviños de chocolate. Temén houbo para as profes.
MOITAS GRAZAS ás familias dos nosos tres compañeiros por todos estos detalles!
ENCANTÁRONNOS!!
Aproveitamos esta entrada para contarvos que seguimos inmersos no noso proxecto espacial. Estos días estivemos coñecendo os planetas enanos. Sabiades que hai un que se chama MAKEMAKE? foi descuberto no ano 2005 a través do telescopio espacial Spitzer.
O máis curioso é o que averiguamos hoxe pois o seu nome orixinal foi o de Easterbunny (coello de pascua en inglés) xa que fora descuberto na semana da Pascua. O seu nome definitivo, Makemake, que corresponde ao deus creador da mitoloxía da Illa de Pascua, foi elexido para manter unha relación coa Pascua.
Pasamos unha mañá moi divertida buscando información sobre a Illa de Pascua en internet e aprendimos un montón de cousas novas.
