A onda de Kanagawa

 Seguimos avanzando co noso proxecto; estes días estivemos investigando de onde veñen as ondas do mar. Buscamos información en internet , ampliamos o noso vocabulario temático e cantamos cancións

Disfrutamos do conto "La ola"

Unha nena nunha praia e unhas cantas gaivotas. Uns debuxos sinxelos, case esbozos trazados en dous tons de acuarela e unha historia preciosa: a do encontro entre esa nena e as ondas. Cada dobre páxina é unha sorpresa que desborda expresividade, provoca sorrisos e respingos, e deixa aberta a porta a que cada vez que o miremos a nosa imaxinación voe cara a un lado ou outro pois non ten texto. Con cada páxina buscaron respostas ás preguntas que lles ía facendo e foi unha sesión moi divertida

Aproveitamos un famoso cadro, "A onda de Kanagawa", para traballar por primeira vez con pinceis

Día das Bibliotecas

 O pasado martes día 24 conmemoramos o Día Internacional das Bibliotecas e para festexalo o alumnado de Educación Infantil asistiu a unha sesión de contacontos a cargo de dúas compañeiras de 6º curso de primaria. O conto elexido foi "A galiña roxa". A mensaxe principal deste conto é o valor do esforzo e a perseveranza. A pesar de non recibir axuda dos demais, a galiña non se rende e continúa traballando duro. Isto ensínanos a importancia de non depender dos demais e tomar a responsabilidade de nosas propias accións.