Outono

Pois rematou o verán e estamos de estrea; o outono chama xa ás nosas portas aínda que co sol que estamos a ter estes días calquera diría que se acabou eso de ir á praia.

E por se andades algo despistados na casa, non vos preocupedes que xa vos mandamos unha nota lembrándovolo na libreta viaxeira.

Plastilina

 Xogar con este material non só nos divirte e estimula a nosa creatividade, senón que ademais mellora a nosa capacidade para concentrarnos, facilita os nosos procesos de lectoescritura, e de paso reláxanos.

Encántanos o momento da plasti.

E como tamén temos tempo para traballar, esta semana estivemos facendo conxuntos e practicando a grafía do número tres.

Mércores Saudables

Os mércores son os días da froita na Sementeira. E para iniciarnos nesta rutina, tivemos un premio por comer froita. Que máis se pode pedir?

Para poñer en práctica eso de mens sana in corpore sano decidimos empezar a practicar IOGA. Coñecemos un pouco esa disciplina a través do conto

e descubrimos que a práctica de ioga nos axuda a calmarnos cando estamos nerviosos; ata o hipo marcha cando facemos algunha asana

Todos estivemos dispostos a intentar algunha das posturas que o coelliño facía no libro polo que fomos a psico para ter máis espazo. Unha vez colocados, concentrámonos e respiramos profundamente antes de empezar.

A primeira asana que intentamos foi:

 Vriksasana ou postura da árbore

Pon a proba o noso equilibrio e axuda a aumentar a nosa concentración

Despois chegou o turno de Adho Mukha Svanasana ou can boca abaixo, unha postura para conectar coa terra.

Virabhadrasana número uno, o postura del guerreiro número un, axuda a elevar a nosa enerxía e vitalidade

Rematamos a nosa primeira sesión de ioga relaxándonos.

Veña, todo o mundo a facer algunha asana na casa. Xa nos contaredes que tal a experiencia  😉