Xogando

Hai que ver o ben que o pasamos na "Sementeira" facendo quebracabezas, construíndo palabras coas letras imantadas e xogando co noso xogo de observación e rapidez visual

 

Carmen fixo soliña un quebracabezas de100 pezas !!👏👏👏👏👏

 

 

 

 

 

 

 

 

Monkeys

Quen nos ía a dicir que uns simpáticos monos ían ensinar o signficado dunha resta. Pois iso é o que estamos a traballar cada vez que xogamos cos Monkeys. E ademais aproveitamos para contar en inglés

E para rematar unha nova canción en inglés que cantamos na aula

Mémori de Galicia

Como nos gusta en clase entreternos cos xogos de memoria. Temos un novo moi especial que resume moito do traballado estes dous meses en clase. coñecemos algúns dos lugares máis característicos de Galicia e este xogo sérvenos para reforzar todo o aprendido.

E aquí están @s compis que conseguiron formar parellas;

Lucas e Aitana Rivas foron os gañadores, con tres parellas cada un

E o mellor de todo é que se trata dun mémori viaxeiro. Hoxe Pedro Pérez levouno para casa e así poder xogar coa familia e ensinarlles todo o que aprendemos en clase sobre Galicia.

Xogo de Suspensión

Hoxe xogamos por primeira vez a un xogo que hai na aula co que temos que ser moi precisos á hora de colocar as varillas que o compoñen. Non nos pode tremer o pulso e soamente podemos utilizar unha man para colocalas da cor que nos indique o dado.

    

Este tipo de xogos colaborativos, a diferenza dos que propoñen a competición, non teñen como meta gañar ou perder. O obxectivo principal de todos os nenos e nenas é común e a idea é superar de maneira colectiva os retos que propón o xogo. Non hai necesidade de superarse uns a outros, senón de xogar xuntos alcanzar a meta. 

Con esa idea xogamos hoxe tod@s xunt@s.

 Este emocionante xogo pon a proba o noso pulso, a concentración e  habilidade.
Manter as pezas en equilibrio no aire estimula a atención e a habilidade manual.

A medida que vaiamos volvendo a xogar seremos capaces de arriscar, calcular  e colgar as varillas para conseguir elaboracións máis complexas.