Chegou o mes de xuño e tamén o momento de poñer punto e final ao noso proxecto anual "A volta ao mundo en obras de arte". Foi un proxecto moi amplo; coñecemos moitos países, monumentos e pintores, aprendemos diferentes técnicas pictóricas e escultóricas, traballamos en equipo para decorar os espazos comúns de Educación Infantil e fixemos un sinfín de actividades coas que disfrutamos a tope.
Nesta última entrada sobre o proxecto queremos que vexades as últimas actividades que levamos a cabo na aula.
O noso photocall da "Madonna Sixtina" de Rafael foi un verdadeiro éxito, e decora a parte superior do noso corredor.
Gustounos moito ver as fotografías expostas
A última recreación que chegou foi por parte de Lucas e a súa familia. Espectacular !!
"Nenos comendo uvas e melón", do pintor Bartolomé Esteban Murillo.
Lía trouxo un xogo magnético con formas cubistas e pasamos un rato moi entretido xogando a formar caras.
Coñecemos a un novo pintor: Víctor Vasarely, considerado o pai do "op-art".
Algunhas das súas obras máis famosas chamaron moito a nosa atención porque parece que teñen movemento e en calquera momento van a saírse do cadro.
Coloreamos con rotuladores unha das súas obras e fixemos un mural conxunto coas demais aulas de infantil
Aprendemos unha nova técnica pictórica: o puntillismo. Recreamos dous dos cadros máis famosos de Seurat. O seu traballo "Tarde de domingo na illa da Grande Jatte" é un dos íconos da pintura do século XIX.
Comezamos o noso proxecto alá polo mes de outubro facendo un autorretrato e quixemos rematalo do mesmo xeito. Pódense apreciar moitas diferenzas entre os autorretratos do primeiro trimestre e os de final de curso. Sentad@s diante do espello e fixándonos ben en todos os detalles fixemos uns autorretratos aos que non lles falta detalle (gafas, lunares, pelos longos e curtos, chichos, pelo de punta,...)
E sabedes unha cousa? aínda nos meses de maio e xuño seguiron chegando cousas para o noso recuncho.
AITANA CITOULA viaxou ata Punta Cana e veu cargadiña de regalos para a aula.
AMAYA paseando por Padrón sacou unha foto co noso amigo Macías
AITANA RIVAS estivo en Portugal e regalounos un montón de postais
PEDRO PÉREZ trouxo a bandeira de Suiza que atopou nunha bolsa
PAULA CES trouxo un recordo do coliseo romano
SASHA trouxo o autobús e o taxi típico de Londres
O día da reunión de pais/nais as familias tiveron a ocasión de ver de preto todo o traballado en canto a decoración por todo o equipo de infantil (peques e profes).
