Grafismos

Seguimos traballando na aula o perfeccionamento de diferentes trazos.

Esta vez empregamos acuarelas e brocha para pintar nun folio.
 
 

Aproveitamos para aprender a distinguir as cores cálidas das frías.

Despois en cada franxa de cor tivemos que realizar os grafismos que nos apeteceran.

 Este foi o resultado.

A Ruleta dos Trazos é unha ferramenta para desenvolver o grafismo dun xeito un pouco máis ameno e creativo.

Xogamos na casa?

Os trazos poden realizarse sobre distintos soportes (papel, cartón, area, fariña, no chan,...) e con distintos elementos (pinceis, lápices, rotuladores, o dedo, un pao, palillos,...)

Déixovos a ruleta en pdf por se queredes imprimila😉

Outono

A semana que empezou o outono mandamos unha nota a casa pedindo axuda para conseguir un montón de follas.

Mirade as follas que conseguimos xuntar.

 Seelccionamos e apartamos algunhas das que máis chamaron a nosa atención e coas demais,... celebramos a chegada da nova estación !

Así quedaron as que lograron sobrevivir a tanta festa

 Escollemos as poucas follas que quedaron enteiras e fixemos unha actividade de estampación con rotuladores.

E coas follas que apartamos ao principio fixemos un pequeno experimento. Gardámolas coidadosamente entre papeis de periódico, puxemos peso enriba para prensalas e ver como quedaban co paso do tempo. Elaboramos un cartel para que ninguén movera de xeito accidental a nosa prensa de follas e esperamos,...

 Xa tiñamos o cartel rematado pero alguén suxeriu añadir "non tocar". Boa observación, non vos parece?

Despois de varias semanas comprobamos os resultados e descubrimos o ben que quedaron as nosas follas prensadas. De seguro que nos animaremos a repetir esta actividade.

 Xa temos follas para xogar a un montón de cousas. Pronto veredes para o que as usamos.

Por certo, fixemos grafismos creativos decorando unha folla 😜