Anuncio

A proposta que vos achego hoxe está relacionada co mundo da publicidade. 

Inventamos un anuncio?

#euquedonacasa

De todos os anuncios que coñeces, cal é o teu favorito e por que? que anuncia? onde o viches ou escoitaches?

Anímate a facer un anuncio. Podes gravalo e compartilo con tod@s.

Tedes novas actualizacións na web do cole

BIBLIOTECA

ESTIMULACIÓN DA LINGUAXE ORAL

ENGLISH

AULA BAOBAB

Apócemas

A proposta de hoxe consiste en inventar unha apócema

#euquedonacasa

Hoxe propóñovos converternos en temibles bruxos e bruxas, e elaborar a mellor apócema xamais inventada. Que ingredientes lle botarías? onde e como a elaborarías? e o máis importante,... para que serviría?

Animádevos a mandar os vídeos coas vosas pocións

Maio

O venres día 1 festexamos o Día do Traballo.

De todas as profesións, cal é a que máis chama a túa atención?

Facemos outra rolda de adiviñas, esta vez sobre as profesións?

E de maior en que che gustaría traballar?

A proposta de hoxe consiste en falar das profesións. 

#euquedonacasa

Pídelles aos adultos cos que estás que che expliquen en que consiste o seu traballo, o que máis lles gusta e o que menos de ter que traballar, cantas horas traballan ao día, como é o lugar onde traballan,... e todo o que se che ocorra. Despois pensa no que che gustaría ser de maior. 

Mamá

Este Domingo celebramos o Día da Nai, polo que

a proposta de hoxe é unha homenaxe a todas as mamás.

#euquedonacasa

Que importantes son as nais nas nosas vidas, verdade?

E os bicos da túa,... a que saben?

Que sensacións che provoca ver este cadro?

 Que é o que máis chama a túa atención?

"Nai e filla" de Gustav Klimt

Picnic

Que vos parece se convertimos a hora da merenda nun momento especial? 

A proposta de hoxe consiste en facer un picnic
 (caseiro por suposto😉)

#euquedonacasa

Podedes aproveitar a mañá para pensar o lugar da casa onde facelo, as cousas que ídes levar de merenda,... e ata podedes elaborar decoración festeira.

Non esquezades mandar unha foto para compartir con tod@s!

Tedes novas actualizacións na web do cole

 AULA BAOBAB

BIBLIOTECA

ESTIMULACIÓN DA LINGUAXE ORAL

ENGLISH

Medimos?

A proposta de hoxe consiste en traballar a través do conto "unha vella tiña un can" diferentes conceptos: memoria, atención, lectoescritura, imaxinación e medidas.

#euquedonacasa

Debedes escoitar a canción con moita atención e despois facer un listado de todos os personaxes que saen no conto. Pensade tamén cales deses animais poderían estar na vosa cama; caberían todos? cal vos daría máis medo? tendo en conta os tamaños dos animais, cal é o máis grande e cal o máis pequeno? e,... unha última pregunta: canto mide a vosa cama?

Sabedes que podemos usar diferentes partes do noso corpo para medir?
 mirade atentamente o seguinte vídeo

 Con estes xogos podedes poñer en práctica o que vos explican no vídeo

XOGAMOS A MEDIR
MEDIDAS 

No pdf que vos deixo a continuación están as tarefas impresas sobre o conto e diferentes propostas de actividades para traballar a medida.

A Semana en Imaxes