Xa chegou o outono á Sementeira! Para celebralo, aproveitamos estes días para facer a nosa primeira manualidade utilizando témpera sólida. Con moito entusiasmo os nenos e nenas puxeron mans á obra para crear unha decoración moi especial que a partir de agora adornará a porta de entrada de infantil, dando unha alegre e acolledora benvida a todos os compañeiros e compañeiras
Estamos a dar pasos xigantes na nosa autonomía! Nestes días a profe nota grandes avances na rutina de poñer o mandilón e abrochar os botóns, un reto que cada día superamos con máis paciencia e ilusión. ¡Sodes uns auténticos campións e campioas! 
Gozamos moito coa hora do conto. Aproveitando a temática da historia, realizamos unha divertida actividade impresa para repasar o aprendido xusto antes de disfrutar do noso momento favorito: o xogo libre nos recunchos sementeiros. ¡Non paramos de aprender e pasalo ben!
|
A que sabe a lúa? Despois do conto nun faladoiro espontáneo cada neno e nena imaxinou que probaba un anaquiño de lúa e lle sabía a ... cadaquén deu a súa resposta e todos-as se animaron a participar  |
O pasado mércores tivemos a nosa segunda sesión de ioga. ¡E vaia equilibrio que teñen! Demostraron unha destreza e unha concentración fantásticas. Rematamos a actividade relaxándonos despois de tanto esforzo
Pouco a pouco, imos engadindo novas rutinas ás primeiras horas da mañá. Unha das máis importantes será pasar lista, un momento ideal para recoñecer os nomes dos compañeiros e saber quen veu hoxe á clase
Ademais, unha das cancións que cantamos todos os días xuntos serve para dar os bos días con moita enerxía; aquí podedes ver o vídeo da nosa canción favorita cantada hoxe pola mañá
