Lámpadas

 Ao longo da semana realizamos unha manualidade para facer lámpadas que colgarán do corredor de infantil. E por que tantas lámpadas, preguntaredes? pois porque están directamente relacionadas coa temática do noso proxecto de aula para este ano

 

 

 

 

 

Tod@s fixeron a actividade pero a profe esqueceu sacar algunha foto :( 

Así iban quedando,...

E así locen no noso corredor

    Esta actividade non só serve para decorar o noso espazo común, senón que tamén ilumina a nosa curiosidade e marca o punto de partida do gran fío condutor que guiará as nosas aprendizaxes durante este curso. De ahí que os nomes dos nosos equipos este trimestre teñan unha temática común,... A LUZ

 Hoxe fixemos un pequeno faladoiro ao que demos resposta a varias preguntas da profe. Non tod@s estiveron interesad@s en participar pero pouco a pouco iranse acostumando a estas dinámicas de traballo e serán máis as achegas que fagan.

 Pronto crearemos un recuncho moi especial na aula e pediremos a vosa axuda para aprender moitas cousas sobre esta temática

 Seguimos agora contando outras cousas,...

Mentres xogamos nos recunchos de xogo simbólico ou nos nosos equipos compartindo propostas de motricidade fina, tamén aproveitamos o tempo para ir remantado diferentes tarefas plásticas e así optimizalo ao máximo

 

Os martes realizamos un desdobramento no grupo para traballar de forma máis personalizada, dividindo a clase en dúas propostas simultáneas:

• Na Sementeira traballamos a lectoescritura a través do nome propio. Nesta sesión, os nenos e nenas estamparon témpera líquida sobre as letras do seu nome utilizando bastonciños dos oídos, o que favorece a súa destreza e motricidade fina.
• Na aula de desdobre fomentamos a aprendizaxe cooperativa pois estiveron resolvendo diferentes puzles xogando en parellas.

Aproveitando que o martes non paraba de chover, descubrimos un instrumento musical de percusión chamado pau de choiva; cando o moves de arriba a abaixo soa igualiño que as pingas de choiva ao bater no tellado do Rosalía

 

 O pau de choiva é o novo integrante do noso recuncho da calma

Comezamos unha nova actividade relacionada cos grafismos. Esta proposta consiste en realizar diferentes trazos (esta vez foi o trazo vertical) con cores de outono. Entre os seus grandes beneficios destacan o desenvolvemento da motricidade fina e a preparación para a escrita, a mellora da coordinación óculo-manual, o fomento da creatividade e orientación espacial, e o estímulo da atención e a concentración. Non sabedes o concentrados e concentradas que realizaron tod@s esta actividade. E os resultados foron fantásticos! Levámola a cabo en pequenos grupos espontáneos de traballo mentres o resto de compis disfrutaban do xogo simbólico na aula de usos múltiples e, como non deu tempo a que a fixeran todos-as nesa sesión, continuamos despois do recreo 

Hoxe realizamos un xogo para interiorizar o nome dos compis e o equipo ao que pertencen, unha actividade na que todos participaron con moito entusiasmo

Por últimos deixo por aquí unha foto con todas as prendas de roupa perdidas estas semanas; na medida do posible tratade de etiquetar a roupa para que as coidadoras non teñan dificultades para identificala

Se recoñecedes algo escribídeme na libreta ;)