Contacontos

O martes recibimos a visita de Iria, a mamá de Lía, que veu a contarnos o conto

 DE QUE COR É UN BICO?

A Minimoni encántalle pintar mil cousas de cores: xoaniñas vermellas, ceos azuis, plátanos amarelos... pero nunca pintou un bico. De que cor será? Vermello coma unha deliciosa salsa de tomate? Non, porque tamén é a cor de cando estás enfadado... Será verde coma os crocodilos, que sempre lle pareceron tan simpáticos? Imposible, porque é a cor das verduras, e non lle gusta comelas! Como podería pescudar de que cor é un bico?

Na Sementeira xa sabemos a resposta😋

Ao rematar o conto Iria preguntounos de que cor eran os nosos bicos e, de súpeto, unha chea de corazóns de cores caeron sobre as nosas cabezas. Menuda sorpresa 👏👏👏👏👏👏👏

Tod@s quixemos probar os beizos de cores

E aínda había máis sorpresas porque unhas deliciosas galletas estaban esperando a ser devoradas. Lía foi a encargada de repartilas.

O conto xa forma parte da nosa biblioteca de aula porque Iria regalóunolo para que o poidamos disfrutar tod@s. De feito este venres xa viaxou nun pasaporte lector😉. Antes de despedila e darlle as grazas por todas as sorpresas da sesión, Lía fixo entrega á súa mamá do diploma co que agradecemos as vosas visitas; E levou tamén unha morea de abrazos e bicos sementeiros.