Un libro,... Un Amigo

 O luns, día 23 celebramos o Día do Libro.

 Na Sementeira levamos actividades relacionadas cos libros ao longo de toda a semana para conmemorar unha data tan importante; tivemos sesións de contacontos, visitamos a feira do libro da biblioteca do centro, lemos lendas, falamos dos nosos contos favoritos, fixemos debuxos,...

 O luns escribimos na libreta o título do noso conto favorito e fixemos un debuxo.

O martes  visitamos a feira do libro organizada na biblioteca do cole e mercamos un libro para a nosa biblioteca de aula.

 Varios sementeiros e sementeiras mercaron un novo título para a súa colección e quixeron traelo ao cole para compartilo con tod@s.

Tamén o martes recibimos a visita dos papis de Amaya, que nos viñeron a contar o conto favorito da nosa compañeira. Viñeron perfectamente caracterizados de Cornelio e Gala, os protagonistas do conto, e pasámolo pipa escoitándoos.

 Ao rematar, diploma e sorpresa para o público pois os papis de Amaya quixeron deixarnos unha morea de doces bicos. Sospeitamos que teñen unha máquina de fabricar bicos na cociña da súa casa.

O venres tocoulle o turno a Lola, a irmá de Paula Ces; chegou disposta a facernos pasar un rato divertido co conto preferido de Paula e conseguiuno porque nos gustou moito.

 Unha vez rematado o conto, todos puidemos velo de preto porque a portada escondía algunha sorpresiña.

 Paula regaloulle a Lola o xa tradicional diploma

E para rematar a visita, Paula e Lola trouxeron unhas palmeiras de chocolate feitas por elas. Moitas grazas

Coñecemos a lenda de San Xurxo e o Dragón; a victoria do ben sobre o mal. O día de San Xurxo (día do libro), conmemora a morte de Xurxo de Capadocia.

  

Aquí están os nosos debuxos sobre a lenda

Como vedes, tivemos unha semana chea de historias