Unha Semana chea de Actividades

A semana pasada abriu de novo as súas portas a biblioteca do cole e nós aproveitamos para visitala por primeira vez. Pasamos un rato agradable disfrutando dos contos

 Unha das actividades impresas da semana estivo de novo relacionada cos grafismos. Puxémoslle o nome de "Monigotes peludos"

 

 

 

A casualidade quixo que ao noso compañeiro Izan lle caese un dente no cole e, mentras estabamos no patio, o ratiño Pérez deixoulle un pequeno agasallo

A sesión de ioga do xoves xirou en torno ao conto "Om", un dos que podemos levar os venres co noso Pasaporte Lector

Despois do ioga, tocou merendar froita e actualizar o froitómetro; había unha cesta de mandarinas e Izan animouse a comer unha

Temos novas propostas voluntarias de xogo relacionadas co outono; debullar millo é unha delas

 

 

 

 

 

 

Xogamos ao bingo; reforzamos vocabulario e falamos das características desta estación do ano

Xogamos a clasificar as palabras segundo o número de sílabas que teñen

Facemos sumas e ordeamos as sílabas para compoñer palabras

 

Mensaxe nunha botella: compoñemos a palabra con letras móbiles

Cos policubos formamos figuras

 E se non queremos enredar con estas propostas: facemos quebracabezas, xogamos coas construcións, debuxamos grafismos, experimentamos na mesa sensorial, traballamos a motricidade fina cos pinchos, construímos figuras co mosaico, interiorizamos o alfabeto en minúsculas coa ruleta, desrutamos do xogo simbólico coas figuras dos pitufos,...

  

Exploramos o patio en busca de follas para facer unha manualidade con elas

Xa se achega unha das festas máis divertidas no cole; o Samaín xa chama á porta

😉