Pintamos con Tesoiras

O noso proxecto Egeria levounos esta semana a coñecer a duas figuras moi importantes. Por un lado, Leonardo da Vinci pois a súa famosa Gioconda podemos visitala no Museo do Louvre en París, lugar polo que fixemos unha pequena visita virtual a través de internet. Descubrimos que ademais de pintor foi inventor e coñecemos algúns dos seus inventos máis orixinais. Despois fixemos unha tarefa impresa para recoller por escrito parte do aprendido.

Aproveitamos un conto que temos na biblioteca de aula para coñecer a Henri Matisse, un pintor francés coñecido polo seu uso da cor e polo seu emprego orixinal e fluído do debuxo.

 Achegámonos a algunhas das súas obras máis representativas e conversamos sobre elas

Matisse pasou os últimos anos da súa vida producindo desde unha cadeira de rodas debido a unha enfermidade. Traballou dun modo que chamaba "pintura con tesoiras", colaxes feitos con recortes de follas de papel.

 

 Decidimos pintar tamén con tesoiras, e aquí está o resultado do noso colaxe en gran grupo

Xa se achega o Entroido e con esta festa tamén aparece polo cole a figura do MECO

Esta semana estaremos moi entretid@s coas súas mandas