Un viaxeiro en bicicleta

 Últimamente non deixamos de recibir visitas nas aulas de Educación Infantil; e se a semana pasada coñecemos a Julio Verne, hoxe disfrutamos moito escoitando as aventuras de Juanpe Blanco Mira, un apaixoado da natureza que nos relatou a súa experiencia por Europa acompañado da súa bicicleta, chamada "Loba". Amosunos vídeos impactantes de moitos animais que atopou polo camiño (osos, paxaros, cervos,...), explicounos como facía para ducharse e para durmir, vimos fotos de paisaxes moi fermosas, covas de xeo que descubriu por casualidade e ata nos amosou un corno de cabra que atopou nunha das súas aventuras.

A ducha de Juanpe

 Escribiu un libro contando a súa experiencia

 Nun dos fragmentos do libro fai a seguinte interesante reflexión: "creo firmemente que nos conviene profundizar en los misterios de la naturaleza para comprender mejor nuestra realidad y conocer más tanto al ser humano como al humano que habita nuestro ser"

Clicando no seguinte enlace podedes ver unha entrevista que lle fixeron na Voz de Galicia

Viaxeiro en Bicicleta

Tamén podedes seguilo nas redes sociais no seu canal de Youtube: MundoSinRumbo; e na súa conta de Instagram: @juanpe.msr.

Moitas grazas pola túa visita Juanpe!

 

Julio Verne

 O pasado xoves foi un día moi especial no Rosalía pois non sempre temos visitas tan especiais. Julio Verne fixo unha parada entre viaxe e viaxe para visitar aos nenos e nenas que estamos a traballar as súas aventuras; chegou a media mañá, cargado de maletas que contiñan reliquias de todas as viaxes das que nos falou largo e tendido, e antes de marchar deixounos varios libros de agasallo para a biblioteca do cole. Foi unha mañá moi especial!! moitas grazas Sr. Verne pola visita!!

 

Actividades sobre o proxecto

 Seguimos avanzando vento en popa e a toda vela co noso proxecto Nautilus. E nunca mellor dito porque esta semana fixemos uso por primeira vez dun útil que nos axuda a mellorar a nosa motricidade fina pois traballamos a coordinación entre o ollo e os movementos manuais de precisión; trátase do punzón. Picamos nas velas dun barco veleiro despois de falar dos diferentes tipos que podemos ver nos libros do recuncho (vela. motor, pesqueiros, de recreo,...) e imos ampliando o noso vocabulario coñecendo por exemplo o que é un ollo de buei, ou para que serven unha áncora ou un salvavidas.

Segue chegando material que aportades dende as casas e xa temos un recuncho ben xeitoso

Roi trouxo un crebacabezas que completamos en gran grupo

 

Paulo Llerena trouxo un cofre cos tesouros do Capitán Nemo e unha enciclopedia con moita información sobre a vida no mar

Roi e Alessia aportaron cunchas coas que seguro inventaremos algún xogo

Os libros que compartiu Jara connosco tamén teñen moita diversión agochada dentro

Lara contounos que foi ao acuario e ao saír mercaron unha medusa que xa está na Sementeira. Aproveitamos para ver en internet o que era un acuario fixándonos no da Coruña e, de paso, visitamos virtualmente o faro da Torre de Hércules, que tamén temos no recuncho

Noel trouxo outro crebacabezas que ten de todo, ata ao submarino Nautilus! e tamén uns barcos para xogar

Cando temos tempo libre na aula collemos os libros e xoguetes do recuncho para disfrutar deles

Traballamos o concepto de simetría xogando na pizarra a compoñer estrelas de mar

As propostas que se presentan en gran grupo sempre quedan a disposición dos nenos e nenas para xogar ao longo da mañá. Este xogo de simetrías gustou moito!

Achegámonos ao recoñecemento das letras do abecedario á vez que ampliamos vocabulario temático cun xogo de búsqueda de iniciais

E sabedes unha cousa? a semana pasada convertémonos no Capitán Nemo e surcamos os mares a bordo dos nosos Nautilus