Xogando cos Nomes

A semana pasada fixemos unha actividade que gustou moito na Sementeira. A partir do nome da nosa encargada ese día inventamos unha historia e ata a ilustramos.

O primeiro que fixemos foi escribir o nome de Ainara no encerado e, con cada letra que o compón (e de xeito voluntario) fomos dicindo palabras que empezaban por dita letra.

Unha vez apuntadas a profe propuxo inventar unha historia con esas palabras. Levounos un tempo construíla. Traballamos en equipo, respectando as ideas de tod@s, e así foi como quedou.

Despois buscamos e rodeamos no texto escrito no encerado as palabras clave da nosa historia (tamén de xeito voluntario).

 Para rematar dividimos o traballo de ilustralo e cada compañeir@ fixo un debuxo relacionado co conto.

Hoxe repetimos a actividade  co nome de Asier.

 Quedounos pendente ilustrar esta nova historia. Desta semana non pasa !
Pronto vos enseñaremos como están quedando.

Cabalos Azuis

O libro "O artista que pintou un cabalo azul" deunos xogo na aula para coñecer ao pintor Franz Marc e achegarnos un pouco á súa obra.

 

Fixemos unha actividade impresa sobre o conto.

 E despois demos renda solta á nosa vea artística e fixemos unha recreación do cadro no que se basea o libro.