Celebracións no cole

A semana pasada celebramos o Día do Libro.

 A intención era festexalo o día en que se conmemora a nivel mundia pois supostamente coincide co falecemento de Miguel de Cervantes e William Shakespeare, o 23 de abril, pero como estaba mal día o Equipo da Biblioteca decidiu pospoñelo para o luns seguinte.

 

Na Sementeira coñecemos a LENDA DE SAN XURXO E O DRAGÓN  da que naceu  a tradición de que, o día 23 de abril, día de San  Xurxo, se regalen libros e rosas.

 

Este foi o conto que lemos en clase, con esceas espectaculares, despregables e textos rimados con moito sentido do humor. Encantounos. 

Fixemos varias actividades impresas: coloreamos con acurarelas un dragón e debuxamos o noso propio monstro.

Participamos na elaboración dunha pancarta para o día da celebración. Tocounos colorear e decorar o número 2

O día da celebración todas as aulas saímos ao patio para contar contos. Pero o primeiro que fixemos foi compoñer a pancarta creada por todas as aulas

Alex, que ese día era o encargado, saiu en representación de toda "A Sementeira" 

 A nosa clase estivo cos nenos e nenas de 4º, que nos contaron dous que nos chiflan: Chocolata e Mariluz Avestruz

Nós ensaiamos durante toda a semana "Crocodilo", un pequeno poema acumulativo que, esperamos, fose do agrado dos nosos compis de primaria.

VERDE, VERDE, VERDE,... O CROCODILO QUE SE PERDE

E SOBE NUN BAÚL AZUL, AZUL, AZUL

E O BAÚL NUN CASTELO AMARELO, AMARELO, AMARELO

E O CASTELO NUNHA PEDRA NEGRA, NEGRA, NEGRA

E A PEDRA NUN TELLADO MORADO, MORADO, MORADO

E O TELLADO NUNHA GRANXA LARANXA, LARANXA, LARANXA

E A GRANXA NUN PIOLLIÑO VERMELLO, VERMELLO, VERMELLIÑO

 

 

 O equipo de actividades complementarias e extraescolares organizou un mercadillo de trueque a fin de traballar na educación dun consumo responsable. En educación infantil repartiron vales a todos os nenos e nenas que trouxeron algún obxecto para o mercadillo e realizouse a cabo un sorteo que decidiu o que levamos para casa.