Cebolas e Contos

Este xoves retomamos o coidado da horta do cole. Da man de Carmen e do profe Jose, visitamos as árbores que plantamos o ano pasado e fixemos unha nova plantación;  Tocounos plantar cebolas e, grazas as explicacións de Carmen, xa sabemos distinguilas. Preguntade na casa, veredes todo o que vos contan

Ao día seguinte recollimos todo o aprendido nunha actividade impresa

A partir de agora os venres son un día moi especial na Sementeira porque estreamos a rutina do noso Pasaporte Lector. Cada venres levarán un conto para disfrutar na casa e terán que traelo de novo para o cole o luns seguinte. Onte fixemos a primeira folla do noso Pasaporte para que este fin de semana tod@s vos expliquen o que deben facer

Levaron os contos con moita ilusión. Xa me contaredes 😉

Sílabas e Vogais

 Empezamos a semana con xogos novos na Sementeira

O primeiro leva por nome "Marmelada de Síalbas" e con este xogo traballamos o conteo e a conciencia silábica. A relación entre conciencia fonológica e lectoescritura é bidireccional posto que a conciencia fonológica favorece a adquisición da lectoescritura e o seu ensino desenvolve dita conciencia. Palmeamos cada palabra para averiguar cantas sílabas ten e colocamos cada debuxo no seu bote

Hoxe coñecemos as vogais minúsculas, facendo un pequeno xogo de recoñecemento visual e interiorización. Non traballaremos a súa grafía, soamente as estamos presentando

Aproveito para contarvos que a caixa de xogos dos Beatles que temos nun dos recunchos de aula é todo un éxito, sobre todo nalgúns dos equipos 😉

Hoxe tamén pintamos con acuarelas unha das fotografías mais famosas do noso grupo musical favorito