Contacontos de pais

Este martes visitounos IRENE, a mamá da nosa compañeira AINHOA, para contarnos o conto "O EXÉRCITO DE OVELLAS"

 Ao rematar o conto, Ainhoa fíxolle entrega do diploma

Irene trouxo unhas galletas para compartir con tod@s, feitas coa axuda de Ainhoa.

Estaban deliciosas!!

MOITAS GRAZAS!

Sopra neste furadiño

Temos un conto novo na nosa biblioteca de aula:

É moi divertido pois antes de pasar cada páxina debemos soprar moi forte para ler o que pasa. O libro tráenos rimas divertidas, breves, que convidan a achegarse ao burato e non parar de soprar. Porque... quen se resiste? Se ata podemos facer voar un elefante!

Gustounos tanto que decidimos contalo de novo o día que subimos á biblioteca do cole.

Estivemos traballando na biblioteca despois de contar o conto; fixemos unha réplica da portada

 Deixamos unha parte do traballo para colorear con acuarelas outro día

  Ao rematar, estivemos lendo os libros do espazo que temos na biblioteca do cole

E o luns rematamos a nosa tarefa

"Sopra neste furadiño" xa forma parte dos contos viaxeiros dos venres. Este fin de semana levouno Pablo Piñeiro e seguro que o pasarán pipa!!

Mulleres Traballadoras

Para conmemorar o Día da Muller Traballadora o pasado 8 de marzo, moitas das aulas do cole participaron na elaboración conxunta dun mural onde destacaban diferentes mulleres famosas polos seus logros ao longo da historia.

Educación Infantil decidiu traballar sobre VALENTINA TERESHKOVA, a primeira muller en viaxar ao espazo. Elaboramos a nosa tarxeta con información entre as tres clases e tamén a colocamos no mural tod@s xunt@s.

Tiñamos pendente subir ao blog as fotos; aquí están

 Anabel, Alejandro, Candela e Leo foron os encargados de ler o traballo a tod@s @s compañeir@s

Alicia e Tanis encargáronse de pegar no mural a nosa aportación