Unha Nova Rutina

 Pouco a pouco imos introducindo pequenas novas rutinas na hora do Panel. O encargado ou encargada do día reparte as pizarras e comezamos a traballar; copiamos a data, o tempo,  a estación, e debuxamos ao encargado-a fixándonos moi ben en todos os detalles

Facemos o retrato de Ana fixándonos en todos os detalles

Onte empezamos esta nova rutina e hoxe ao chegar o primeiro que fixeron foi preguntar se a iamos a repetir. Parece que, de momento, están encantad@s con esta nova proposta

Alba posando mentres os compañeir@s a debuxan

 

 

Ao rematar limpamos a conciencia as pizarras para que queden listas para o día seguinte

Déixovos un pequeno vídeo para que vexades o concentrad@s que estiveron hoxe na tarefa

Como podedes comprobar, seguimos cos acrósticos, que tamén están dando moi bos resultados pois cada vez se animan a participar con moita máis soltura

Rectas, Fotos e Acrósticos

 Este xoves na Sementeira traballamos a xeometría experimentando con regras para conseguir encher o noso folio de liñas rectas

 Ao longo da semana seguimos disfrutando dos recunchos de aula no momento de xogo libre

 

Temos un xogo novo para a plastilina; trátase de tarxetas coas nosas fotos ás que debemos colocar todo aquilo que se nos ocorra para facer unha composición do máis artística. Xogando coa plasti desenvolvemos a nosa motricidade fina pois é un grande estimulante psicomotriz. Deixamos voar a nosa imaxinación e amosamos moita creatividade deseñando todo tipo de accesorios (sombreiros, pelos de punta, coroas, mofletes,... ata había mocos e un biquini)

 

E tamén temos unha rutina nova na hora do panel, que consiste en facer un acróstico co nome do encargado ou encargada e despois debuxar todas as palabras que o forman. Traballamos a conciencia fonolóxica das palabras, a percepción e discriminación visual, a coordinación psicomotriz para o dominio do trazo gráfico, a expresión oral, a creatividade e a imaxinación,...