Os Meses do Ano

Esta semana estivemos traballando na aula cos meses do ano.

Aproveitando que cambiamos a folla do noso calendario para o mes de Decembro e apuntamos as datas importantes a ter en conta, quixemos coñecer tamén o nome do resto de meses do ano; Realmente a nosa curiosidade baseábase principalmente en averiguar cando estamos de aniversario (un acontecemento moi, pero que moi importante para tod@s nós).

O primeiro que fixemos foi contar cantos meses ten un ano e escribir o número 12 no encerado. Despois estivemos averiguando o mes do noso aniversario (temos un mural na aula que nos recorda ese día) e fixemos unha foto de grupo cos compañeiros-as cos que compartimos mes de nacemento.

Estivemos mirando quen celebrará primeiro os seus catro anos, quen aínda ten que cumplir tres, os meses nos que non naceu ninguén,... un montón de datos e novo vocabulario que pouco a pouco irá quedando nas nosas cabeciñas.

Colocamos na porta da aula un panel co nome de todos os meses e pegamos a nosa foto no mes que nos corresponde.

O seguinte que faremos no noso estudo dos meses, será coñecer algunha festividade típica. A de Decembro xa a coñecemos tod@s de sobra... O NADAL!!

Cando teñamos o noso panel rematado ensinarémosvos o resultado final.

Por certo... aínda non tedes o calendario colgado na cociña? na aula cada día, como unha rutina máis, tachamos no noso o día que corresponde. Encántanos facelo e, aos poucos ímonos familiarizando co concepto de tempo, Cando participamos en actividades marcadas no calendario e localizamos meses, días ou
datas significativas, aprendemos a familiarizarnos co concepto de tempo.
Ademais é unha forma de aproximarnos ao uso social  e valor dos números e identificar portadores de texto.