Premios !

Unha vez rematado o prazo para participar no concurso das Letras Galegas organizado polo Equipo de Dinamización da Lingua o xurado tivo unha ardua tarefa para decidir o gañador ou gañadora de cada categoría (Educación Infantil, 1º-2-º3º e 4º-5º-6º de primaria).

 

 

En Educación Infantil, Sara García da clase de 3 anos, foi a gañadora absoluta coa súa propia versión das "Laranxas máis laranxas de todas as laranxas".

O noso compañeiro Mauro resultou gañador do segundo premio pola súa postal da Galiña Azul, acreditado cun diploma que recibiu encantado de mans da profe Selina.

O terceiro premio foi para Ana, da clase de 5 anos, que tamén recibiu un diploma pola súa Galiña.

En Educación Primaria resultaron gañadoras Nora (da clase de 1ºB) e Antía (da clase de 4ºB), que se esforzaron na realización duns estupendos poemas.

 

 

  Como sabemos que o verdadeiramente importante dos concursos non é o premio (bueno, se gañamos moito mellor claro) senón participar, tod@s aquel@s que  dedicaron un ratiño a facer o seu debuxo para o concurso recibiron un pequeno regalo como mostra de agradecemento das profes polo seu esforzo.

 

 

 

 

Como temos moitas baixas estes días por culpa da varicela e virus varios, queda pendente repartir entre os demais participantes este pequeno agasallo.
Un bico grande de parte de tod@s e a recuperarse pronto Sementeir@s!!