Guillermo

Seguimos coas sesións de contacontos na Sementeira. Desta volta tocoulle o turno a Zaira e María, as mamás de Aitana Rivas e Pedro Pérez. Viñeron a contarnos Guillermo el globito, un conto para xestionar a ira.

Que pais non se viron algunha vez arrastrados polas rabechas dos seus fillos, gritando como eles e sen saber como manexar esas situacións? A Guillermo pásalle algo así: cando se enfada, aínda que sexa por algo insignificante, ínflase e ínflase e...

Chegaron con Guillermo, a nova mascota da clase, e colocárono nun lugar estratéxico para escoitar o conto.

O conto danos algunhas ideas para relaxarnos e dispuxémonos a poñelas en práctica: saltar á pata coxa, contar ata dez, darnos unha pequena masaxe,...

 

Despois iniciouse un pequeno debate sobre que é iso da ira, como a xestionamos, que cousas nos enfadan,... e propuxemos moitas formas de botala fóra do noso corpo.

Pero o mellor estaba por chegar porque María e Zaira fixeron aparecer globos coma Guillerno que representaban a ira. Non tardamos en propoñer soltalos para que marchara voando polo que saímos ao patio.

Quedamos moi a gusto despois de liberarnos de tanto pensamento negativo.

 De volta na aula, diploma para as mamis.

 E a cousa non quedaba ahí porque levamos para casa varios regalos.

O libro tamén foi un regalo para a nosa biblioteca de aula e tivo tanto éxito que xa está viaxando por todas as casas co boneco incluído.
MOITAS GRAZAS POR TODO MAMÁS