Muchacha en la Ventana

Este martes iniciamos unha nova actividade na Sementeira pois XOGAMOS A PENSAR. Está pensada para levar a cabo ao longo do que queda de curso. Cada semana ou cada quince días trataremos de realizar unha sesión na aula.

O obxectivo principal que se persegue con este pequeno proxecto é que todos os nenos e nenas pensen e falen razoablemente ao mesmo tempo que se converten en seres máis reflexivos e atentos ao discurso dos demais.

Cando xogamos a pensar estamos favorecendo:

• A expresión oral (porque o pensamento exprésase a través da linguaxe).
  
• Considerar diferentes prespectivas.
  
• Os hábitos e normas de diálogo en grupo.
  
• A observación, a imaxinación e a reflexión.
• Expresar as nosas opinións e argumentar as afirmacións.
• Falar e escoitar.
  
• Comparar unhas ideas con outras.  
  Formular hipóteses e conceptos precisos.
  Buscar alternativas.
•  
  
  A primeira sesión virou en torno ao cadro de Salvador Dalí  "Muchacha en la Ventana". O cadro estaba modificado pois faltáballe a paisaxase que se ve pola xanela.
  
  
  A primeira pregunta foi: que pensades que está a mirar esa rapaza pola xanela?
   
  Pasámolo moi ben dando un montón de respostas que nos levaron a facernos máis preguntas. O resultado completo da sesión poderédelo ler no libro que recompilará todas as sesións.
  Coñecemos tamén o nome dun novo pintor; nin máis nin menos que Salvador Dalí.
  
  Agora "Muchacha en la Ventana" ocupa un lugar moi especial na aula. Todos os días o encargado ou encargada comproba o tempo que fai a través do cadro de Dalí para poder colocalo no panel.