Máscaras Africanas

Os nenos e nenas da "Pementeira" (aula de 5 anos) elaboraron unhas máscaras africanas ás que non lles falta detalle. Están expostas na aula de psicomotricidade a carón de Kirikú e Karabá.

 

 A nós gustáronnos tanto que tamén decidimos facer unhas. Empezamos a traballar nelas o venres pasado. É unha tarefa que estamos a levar a cabo en parellas e leva o seu tempo porque temos moito que facer: poñernos de acordo elixindo a máscara, seleccionando as pinturas que imos utilizar, repartindo as zonas a colorear por cada membro da parella, buscando unha decoración consensuada (rafia de cores, adhesivos, cunchas, paus, purpurinas,...)

As primeiras parellas en traballar nas máscaras foron as formadas por:

Lía e Pedro Pérez

Carmen e Sasha

Aitana Rivas e Lucas 

Daniela e Alex

Pouco a pouco as nosas máscaras africanas van tomando forma. O noso obxectivo é colocalas no corredor e participar así na decoración africana que estamos levando a cabo desde hai tempo nas aulas de infantil.

A máscara de Lucas e Aitana xa case está rematada. Onte estiveron pegando rafia e bolas de cores. Faltan uns pequenos detalles e,... lista!!

 Queda moi vistosa non si?

 Hoxe pola tarde estivemos vendo en internet un conto que nos encanta:

 "La Pequeña Caperucita Africana"

 

  Esta adaptación do clásico de Carapuchiña preséntanos a unha nena africana que axuda á súa avoa nas tarefas do fogar. No camiño, un can perigoso quítalle todas as súas compras. A nena, cando se recupera do susto, é o suficientemente astuta como para recuperar as súas cousas e darlle antes unha boa lección ao ladrón.

Como nos sobrou un pouco de tempo, e tod@s estamos desexando facer as nosas máscaras, decidimos traballar un pouco a observación, a atención e a imaxinación, e  fixemos unha nova actividade de XOGAR A PENSAR.

Primeiro, en asamblea, fixemos unha posta en común dando ideas dos detalles que lle podiamos colocar a unha máscara africana. Fixámonos moi ben en todos os exemplos visuais que temos na aula e o resultado final foi este:

Despois fixemos o mesmo pero de xeito individual. Nun folio debuxamos a nosa máscara

E aquí está o resultado final da sesión